रायपुर, 17 जून। अंतर्राष्ट्रीय योग दिवस के अवसर मं ए साल छत्तीसगढ़ मं बड़े पैमाना मं योग के आयोजन करे जाही। 21 जून 2026 ला “स्वस्थ आयु बर योग” थीम के संग प्रदेश भर मं सामूहिक योगाभ्यास के कार्यक्रम आयोजित होही। जिला मुख्यालय ले लेकर ग्राम पंचायत स्तर तक प्रशासनिक तैयारी लगभग पूरा हो चुके हवय अउ पूरा प्रदेश योगमय वातावरण मं रंगाय के तइयार हवय।
छत्तीसगढ़ शासन के सामान्य प्रशासन विभाग द्वारा जारी आदेश अनुसार प्रदेश के अलग-अलग जिला मुख्यालय मं आयोजित सामूहिक योगाभ्यास कार्यक्रम मं राज्यपाल, मुख्यमंत्री, उपमुख्यमंत्री, मंत्रीगण, सांसद अउ विधायक मन मुख्य अतिथि के रूप मं शामिल होहीं। ए कार्यक्रम के उद्देश्य सिरिफ योगाभ्यास कराना नइ, बल्कि स्वस्थ जीवनशैली अउ निरोग जीवन के संदेश ला जन-जन तक पहुंचाना घलो हवय।
रायपुर मं राज्यपाल के मुख्य आतिथ्य मं होही मुख्य कार्यक्रम
राजधानी रायपुर मं अंतर्राष्ट्रीय योग दिवस के मुख्य कार्यक्रम के आयोजन राज्यपाल रमेन डेका के मुख्य आतिथ्य मं होही। हजारों लोग एक संग योगाभ्यास करके स्वास्थ्य, अनुशासन अउ सकारात्मक जीवनशैली के संदेश देवहीं।
वहीं मुख्यमंत्री विष्णुदेव साय सरगुजा जिला मं आयोजित सामूहिक योग कार्यक्रम मं शामिल होहीं। बिहान 7 बजे शुरू होवइया ए कार्यक्रम के अध्यक्षता प्रदेश के स्वास्थ्य मंत्री श्याम बिहारी जायसवाल करहीं। मुख्यमंत्री के मौजूदगी ले सरगुजा मं योग दिवस के आयोजन अउ विशेष बन जाही।
प्रदेश भर मं मंत्री अउ जनप्रतिनिधि बनहीं योग दिवस के मुख्य अतिथि
शासन के आदेश मुताबिक केंद्रीय राज्य मंत्री तोखन साहू बिलासपुर मं, उपमुख्यमंत्री अरुण साव दुर्ग मं अउ उपमुख्यमंत्री विजय शर्मा कबीरधाम जिला मं आयोजित कार्यक्रम मं मुख्य अतिथि रहिहीं।
विधानसभा अध्यक्ष डॉ. रमन सिंह राजनांदगांव मं आयोजित योग दिवस कार्यक्रम मं शामिल होके योग के महत्व ऊपर अपन विचार रखहीं।
एखरे संग प्रदेश के अलग-अलग जिला मं मंत्री मन के जिम्मेदारी तय कर दी गे हवय। कोरिया मं रामविचार नेताम, महासमुंद मं दयालदास बघेल, सुकमा मं केदार कश्यप, कांकेर मं लखन लाल देवांगन, जांजगीर-चांपा मं ओ.पी. चौधरी, सारंगढ़-बिलाईगढ़ मं टंकराम वर्मा, बलरामपुर-रामानुजगंज मं लक्ष्मी राजवाड़े, जशपुर मं राजेश अग्रवाल, कोरबा मं गुरु खुशवंत साहेब अउ बालोद मं गजेन्द्र यादव मुख्य अतिथि के रूप मं उपस्थित रहिहीं।
सांसद अउ विधायक मन घलो होहीं सहभागी
योग दिवस के आयोजन ला सफल बनाय बर सांसद अउ विधायक मन घलो सक्रिय भूमिका निभावत हवयं। बलौदाबाजार-भाटापारा मं सांसद बृजमोहन अग्रवाल, बेमेतरा मं विजय बघेल, मोहला-मानपुर-चौकी मं संतोष पांडेय मुख्य अतिथि रहिहीं।
एखरे अलावा सूरजपुर मं चिंतामणि महाराज, गरियाबंद मं रूपकुमारी चौधरी, रायगढ़ मं राधेश्याम राठिया, जांजगीर मं कमलेश जांगड़े, नारायणपुर मं महेश कश्यप अउ कोंडागांव मं भोजराज नाग योग दिवस कार्यक्रम मं मुख्य अतिथि के रूप मं शामिल होहीं।
वहीं विधायक मन मं बीजापुर मं लता उसेंडी, खैरागढ़-छुईखदान-गंडई मं ललित चंद्राकर, गौरेला-पेण्ड्रा-मरवाही मं प्रणव कुमार मरपच्ची, मुंगेली मं पुन्नूलाल मोहले, धमतरी मं अजय चंद्राकर, मनेंद्रगढ़-चिरमिरी-भरतपुर मं रेणुका सिंह, बस्तर मं किरण सिंह देव अउ दंतेवाड़ा मं चैतराम अटामी योग कार्यक्रम के अगुवाई करहीं।
गांव-गांव तक पहुंचत हवय योग के संदेश
ए साल योग दिवस के सबसे खास बात ए हवय कि कार्यक्रम सिरिफ जिला मुख्यालय तक सीमित नइ रहिही। ग्राम पंचायत स्तर तक योग शिविर अउ सामूहिक योगाभ्यास के आयोजन होही। जिला प्रशासन के देखरेख मं अंतिम तैयारी चलत हवय अउ स्कूल, कॉलेज, स्वयंसेवी संगठन, महिला समूह अउ युवा मंडल मन घलो बढ़-चढ़ के हिस्सा लेवत हवंय।
“स्वस्थ आयु बर योग” : निरोग जीवन के मंत्र
ए साल के थीम “स्वस्थ आयु बर योग” रखे गे हवय। ए थीम के मकसद लोगन ला ए बात समझाना हवय कि योग सिरिफ एक व्यायाम नइ, बल्कि जीवन जीए के एक बेहतर तरीका आय। नियमित योग करे ले शरीर स्वस्थ रहिथे, मानसिक तनाव कम होथे अउ जीवन मं सकारात्मकता बढ़थे।
विशेषज्ञ मन के माने त योग ह आधुनिक जीवनशैली के कारण होवइया कई बीमारी ले बचाव के प्रभावी माध्यम आय। ए कारण सरकार लगातार योग ला जनआंदोलन बनाय के दिशा मं काम करत हवय।
स्वास्थ्य अउ संस्कृति के संग जुड़त छत्तीसगढ़
अंतर्राष्ट्रीय योग दिवस अब सिरिफ एक सरकारी कार्यक्रम नइ, बल्कि जनभागीदारी के उत्सव बन चुके हवय। छत्तीसगढ़ मं हर साल लाखों लोग योग दिवस मं हिस्सा लेके स्वस्थ जीवनशैली अपनाय के संकल्प लेथें।
21 जून के दिन जब पूरा प्रदेश एक संग योगाभ्यास करही, त ए सिरिफ शारीरिक स्वास्थ्य के संदेश नइ, बल्कि एक स्वस्थ, जागरूक अउ सकारात्मक समाज के निर्माण के दिशा मं मजबूत कदम साबित होही।
